Búgin Memleket basshysy agrarlyq bıznes ókilderimen kezdesti.
Jıynda aýyl sharýashylyǵyn damytýdyń túıtkildi máseleleri men perspektıvalary ashyq talqylandy, dep habarlaıdy Almaty-akshamy.kz Aqordaǵa silteme jasap.
Kezdesýde Prezıdent byltyr aýyl sharýashylyǵy salasyndaǵy ósim 9,1 paıyz bolǵanyn atap ótti. Onyń aıtýynsha, egin bitik shyǵyp, dıqandar 23 mıllıon tonnaǵa jýyq astyq jınaǵan.
Kezdesý barysynda agrarlyq bıznes ókilderi óndiristi ártaraptandyrý, shıkizatty tereń óńdeý jáne jańa agroónimderdi óndirý, qant salasyn damytý, tuqym sharýashylyǵy, mal sharýashylyǵy jáne veterınarıa, sondaı-aq ishki naryqty qamtamasyz etip, eksporttyq áleýetti arttyrý máselelerin qozǵady.
Jıyn barysynda agroónerkásip keshenin damytýǵa qarajat bólý men paıdalanýdyń tıimdiligi, jer jáne sý resýrstaryn ádil bólý máselelerine de erekshe nazar aýdaryldy.
Agrarlyq bıznes ókilderi aýyldarda ómir súrý sapasyn arttyrý, jol-kólik jáne áleýmettik ınfraqurylymnyń, onyń ishinde mektepter men balabaqshalardyń jaǵdaıyn jaqsartý, sondaı-aq kadr daıarlaý qajettigin atap ótti.
Prezıdent Úkimetke aıtylǵan barlyq usynysty nazarǵa alýdy jáne kásipkerlerdiń pikirin eskere otyryp, aýyl sharýashylyǵynyń jaı-kúıine muqıat taldaý júrgizýdi tapsyrdy.
Memleket basshysynyń pikirinshe, agroónerkásip kesheni ókilderimen mundaı kezdesýlerdi turaqty túrde ótkizip turý kerek. Sebebi aýyl sharýashylyǵyndaǵy máselelerdiń sheshimin tabýy azamattardyń ómir súrý sapasyna ǵana emes, sonymen qatar eldiń azyq-túlik qaýipsizdigine de yqpal etedi.