Elordany damytý máseleleri jónindegi keńeste Memleket basshysy Qasym-Jomart Toqaev bas shahardaǵy ınternet sapasyn synǵa aldy, dep habarlaıdy Almaty-akshamy.kz Aqordaǵa silteme jasap.
«Qazirgi sıfrlyq órkenıet pen bilim ekonomıkasy jaǵdaıynda adamnyń, ásirese qala turǵynynyń negizgi qajettilikteriniń biri ınternetke qol jetkizý. Biz barlyq jerde Astanany «aqyldy qala» jáne óńirlik IT-hab retinde málimdeımiz. Bul paıym óz kezeginde bazalyq sıfrlyq ınfraqurylymnyń joǵary sapaly ekenin meńzeıdi. Alaıda, elordadaǵy ınternet pen uıaly baılanystyń qalypty jumys isteý deńgeıi jetildirýdi qajet etedi. Bul turǵyndar úshin qolaısyzdyq týǵyzyp qana qoımaı, qala ekonomıkasyna eleýli zıan keltiredi, elorda qonaqtarynyń sanasynda óte jaǵymsyz áser qaldyrady», - dep toqtaldy Memleket basshysy.