Úsh mańyzdy baǵyt aıtyldy
Memleket basshysy Qasym-Jomart Toqaev beınejazba arqyly «AMANAT» jastar qanatynyń kezekten tys VI Sezine qatysýshy delegattarǵa quttyqtaý sóz arnap, el jastaryna arnaıy úndeý joldady, dep habarlaıdy Almaty-akshamy.kz QazAqparat-qa silteme jasap.
Prezıdent úndeýde Jańa Qazaqstannyń jastary aıryqsha túsinýge tıis úsh mańyzdy baǵytty atady. Birinshiden, Memleket basshysynyń aıtýynsha, bolashaqtyń kilti sıfrlyq tehnologıa men ınovasıada. Ekinshiden, jastar adal eńbekti baǵalap, rýhy bıik, sanasy sergek bolýǵa tıis. Jańa zamannyń jaqsy qasıetterin boıǵa sińire otyryp, jahandanýdyń jaǵymsyz áserlerin de esten shyǵarmaý kerek. Memlekettik múdde bárinen bıik turýy kerek ekenin aıta kelip, Prezıdent árbir jasty ana tilin, ata dástúrin, tól tarıhyn bilýge úndedi. Úshinshiden, Qasym-Jomart Toqaev týǵan elge qurmet jalyndy sózden emes, jasampaz isten kórinetinin, aldyna maqsat qoıǵan azamat naǵyz memleketshil tulǵaǵa aınalatynyn erekshe atap ótti. «AMANAT» partıasynyń Jastar qanatyna «Jastar rýhy» degen ataý berilgenin aıtqan bolatyn.