Prezıdent Ákimshiliginiń basshysy Murat Nurtileý Básekelestikti qorǵaý jáne damytý agenttiginiń ujymyna jańa tóraǵany tanystyrdy.
Prezıdent Ákimshiliginiń basshysy agenttiktiń burynǵy tóraǵasy Serik Jumanǵarınge tabysty qyzmeti úshin alǵys bildirip, onyń joǵary kásibı biliktiligin atap ótti, dep habarlaıdy Almaty-akshamy.kz.
Murat Nurtileý vedomstvo ujymyna jańa basshyny tanystyra otyryp, Marat Omarovtyń ártúrli jaýapty laýazymdarda mol tájirıbe jınaǵanyn atap ótti.
Murat Nurtileý qazirgi ýaqytta vedomstvo qyzmetiniń aldynda Prezıdent Qasym-Jomart Toqaev qoıǵan mańyzdy mindetter turǵanyna basa mán berdi. Atap aıtqanda, agenttik ádil básekeni damytý jáne qorǵaýdyń tıimdi júıesin qalyptastyrýǵa, ekonomıkany demonopolızasıalaýǵa, memlekettiń kásipkerlik qyzmetke aralasýyn shekteý jumysyna bar kúsh-jigerin jumyldyrýy tıis.
Sóz sońynda Prezıdent Ákimshiliginiń basshysy agenttik ujymyna tabys tiledi.