Ashyq júıesine 100 myńnan astam kásipkerlik sýbekt kiredi.
QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologıalyq ahýal qaraldy, dep habarlaıdy Almaty-akshamy.kz Rrimeminister.kz saıtyna silteme jasap.
Qazaqstandaǵy sanıtarlyq-epıdemıologıalyq jaǵdaı baıaý ósý úrdisine ıe jáne birtindep turaqtanýda. Vırýstyń reprodýktıvtik ındeksi – 1,01 quraıdy, ınfeksıalyq tósek-oryndar 54%, reanımasıalyq tósekter 45% toldy. Búgingi tańda 5,9 mln jýyq adam birinshi komponentti, shamamen 4,5 mln adam ekinshi komponentti aldy.
Úkimet basshysy bıyl tamyz aıynda vaksınalaý josparynyń oryndalýyn qamtamasyz ete otyryp, ásirese, Batys Qazaqstan, Mańǵystaý jáne Atyraý oblystarynda vaksınalaý qarqynyn kúsheıtý qajettigin atap ótti. Premer-Mınıstr Nur-Sultan, Almaty jáne Shymkent qalalaryna, sondaı-aq Qaraǵandy oblysyna erekshe nazar aýdara otyryp, barlyq óńirdegi sanıtarlyq-epıdemıologıalyq jaǵdaıdy baqylaýda ustaýdy tapsyrdy.
Sonymen qatar halyqtyń shekteý sharalaryn, eń aldymen maska taǵý rejımin saqtaýyn qamtamasyz etý qajet ekeni atap ótildi. Ol úshin karantın talaptaryn buzýshylardy jaýapkershilikke tarta otyryp, monıtorıńtik toptardyń jumysyn jandandyrý tapsyryldy.
«Ashyq júıesine qatysatyn kásipkerlik sýbektileriniń sany únemi artyp keledi. Olardyń sany 5 esege – 21 myńnan 101 myńǵa deıin ósti. Bul bızneske óz qyzmetin jalǵastyrýǵa múmkindik beredi. Sondyqtan Ashyq qosymshasynyń qoldanylý aıasyn odan ári keńeıtý qajet», — dedi Asqar Mamın.