Premer-mınıstr ǵylymdy damytý jáne sıfrlandyrý boıynsha birqatar tapsyrma berdi
Ǵylym jáne joǵary bilim mınıstrligi múddeli memlekettik organdarmen birlesip, ǵylymı ınstıtýttar men ınovasıalyq óndiristerdiń aýmaqtyq shoǵyrlanýyn eskere otyryp, Ǵylymı qalashyqtar qurý tujyrymdamasyn ázirleýi tıis.
Ákimdikter Ulttyq ekonomıka, Ǵylym jáne joǵary bilim, Qarjy mınıstrlikterimen birlesip, óńirler bólinisinde ǵylymdy damytý jónindegi kórsetkishter men is-sharalardyń dekompozısıalaý jumysyn júrgizýi qajet.
«Árbir ákimdik ǵylymı-tehnologıalyq sesıalar ótkizip, óńirlik ǵylymdy damytý jóninde keshendi sharalar qabyldaýy tıis»,
— dep atap ótti Oljas Bektenov.
Ǵylym jáne joǵary bilim, Sıfrlyq damý, ınovasıalar jáne aeroǵarysh ónerkásibi mınıstrlikteri osy jyldyń sońyna deıin barlyq ǵylymı jobalardyń, granttardyń, zertteý nátıjeleri men jarıalanymdar derekqorlaryn ıntegrasıalaý úshin Sıfrlyq ǵylym portalyn iske qossyn. Inovasıalyq jobalardy, ǵylymı zertteýler men ázirlemelerdi jedeldetip engizý úshin jasandy ıntellekt tehnologıalaryn paıdalaný qajettigi atap ótildi.