2025 jyldyń 18 sáýirinde Almaty qalasy Bilim basqarmasynyń medıa-jospary jáne «Jumysshy mamandyqtar jyly» aıasynda Almaty qalasyndaǵy memlekettik kolejder arasynda «Polytech Information Olympiad – 2025» atty qalalyq ınformatıka olımpıadasy joǵary deńgeıde ótkizildi, dep habarlaıdy aqshamnews.kz.
Olımpıadanyń basty maqsaty — talantty jastardy qoldaý, stýdentterdiń IT salasyndaǵy quzyretterin, logıkalyq oılaýyn jáne shyǵarmashylyq qabiletterin damytý. Olımpıada qatysýshylarǵa óz bilimderin naqty kásibı saıys jaǵdaıynda qoldanýǵa, sondaı-aq jańa tájirıbe men óz kúshine degen senimdilik alýǵa múmkindik berdi. Mundaı is-sharalar — bul sıfrlyq ekonomıkanyń bolashaǵyna salynǵan ınvestısıa jáne jańa býyndaǵy suranysqa ıe mamandardy daıarlaýdyń bir bóligi.
Bul dodaǵa qalanyń túrli kolejderinen úzdik stýdentter qatysyp, óz bilimderi men biliktilikterin kórsetti.
Olımpıada memlekettik jáne orys tilderinde ótkizildi.
Olımpıada 3 kezeńnen turdy:
- Moodle platformasynda onlaın testileý.
Bul kezeńde ınformatıka páni boıynsha 40 suraqtan turatyn test tapsyrdy. Suraqtar qazaq jáne orys tilderinde jáne tapsyrmalardy oryndaýǵa 40 mınýt ýaqyt berildi.
- Python baǵdarlamalaý tilinde esepter shyǵarý.
Informatıka páni boıynsha Phyton baǵdarlamasymen tapsyrmalardy oryndaý kompúterde oryndaldy.
- HTML/CSS kómegimen «Men — bolashaq IT mamanymyn» taqyrybynda veb-paraqsha ázirleý.
Qatysýshylar jasaǵan veb-paraqty HTML jáne CSS faıldarymen birge kórsetken bolatyn.
Úsh kezeńniń qorytyndysy boıynsha qatysýshylar kelesi nátıjelerdi kórsetti:
Qazaq tilinde bilim alýshy stýdentter arasynda:
1 oryn — Sobıtuly Beksultan, Almaty tehnologıalyq koleji
2 oryn — Tursynbaı Oljas, №1 Almaty qazaq gýmanıtarlyq-pedagogıkalyq koleji
3 oryn — Bazarbaı Serdaly, Týrızm jáne qonaqjaılylyq ındýstrıasy koleji
Orys tilinde bilim alýshy stýdentter arasynda:
1 oryn — Aleksseev Iaroslav, «Almaty Polytechnic College» KGKP
2 oryn — Pesoskıı Artóm, «Almatınskıı kolej servısa ı tehnologıı» KGKP
3 oryn — Shapshaı Olga, «Almatınskıı gosýdarstvennyı bıznes kolej» GKKP
Jeńimpazdardy shyn júrekten quttyqtaımyz! Barlyq qatysýshylarǵa belsendiligi, bastamashyldyǵy jáne IT salasyna qyzyǵýshylyǵy úshin alǵys bildiremiz!
Olımpıadanyń ádil ári obektıvti ótýine qazylar alqasynyń kásibıligi úlken úles qosty. Ádil qazylar alqasynyń quramynda:
- Ibraımova Aınýrken Bolatovna – ınformatıka pániniń oqytýshysy, pedagog-zertteýshi (mektepten kelgen sarapshy maman);
- Almetova Lazzat Amankýlovna – ınformatıka pániniń oqytýshysy, pedagog-sarapshy;
- Amanova Gýlnara Almahanovna – ınformatıka pániniń oqytýshysy, pedagog-moderator boldy.
Qazylar alqasy olımpıada barysynda bilim alýshylardyń jumystaryna ádil, jan-jaqty taldaý jasap, olardyń teorıalyq jáne praktıkalyq qabiletterin naqty baǵalaı bildi. Mundaı kásibı kózqaras saıystyń sapaly ári shynaıy ótýine septigin tıgizdi.
Bul shara stýdentterdiń ózara tájirıbe almasýyna, shyǵarmashylyq qabiletterin tanytýǵa, bolashaq İT-mamandary retinde ózderin damytýǵa úlken múmkindik berdi. Mundaı bilim dodalary – tehnıkalyq baǵyttaǵy jastardyń áleýetin ashýdyń mańyzdy joly.
Olımpıada stýdentterdiń sıfrlyq saýattylyǵyn arttyryp qana qoımaı, olardyń shyǵarmashylyq áleýetin damytýǵa jol ashty. Bul shara — tek jarys emes, bolashaq mamandardyń alǵashqy qadamdaryn nyǵaıtatyn, ıdeıalaryn júzege asyrýǵa múmkindik beretin platforma boldy.
Polytech Information Olympiad – 2025 — bul bilim men biliktilik, shyǵarmashylyq pen tehnologıanyń túıisken alańy. Keleshekte mundaı olımpıadalar jalǵasyn taýyp, tehnıkalyq saladaǵy jastardyń jańa belesterge jetýine jol ashady degen senimdemiz.