Polsha Respýblıkasynyń joǵary oqý oryndarynda oqýǵa qujattardy qabyldaý bastalady
2024 jylǵy 26 naýryzda Qazaqstan Respýblıkasynyń Úkimeti men Polsha Respýblıkasynyń Úkimeti arasyndaǵy Kelisim sheńberinde «bakalavrıat», «magıstratýra» jáne «doktorantýra» baǵdarlamalary boıynsha Polsha Respýblıkasynyń joǵary oqý oryndarynda oqýǵa qujattardy qabyldaý bastalady, dep habarlaıdy almaty-akshamy.kz.
Ótinimder 2024 jylǵy 26 naýryz saǵat 9:00-den 2024 jylǵy 18 sáýir saǵat 18:30-ǵa deıin «Elektrondyq úkimet» portaly arqyly onlaın qabyldanady.
Qazaqstandyq azamattar úshin 11 grant bólindi:
- «Bakalavrıat» baǵdarlamasy boıynsha-3 grant;
- «Magıstratýra» baǵdarlamasy boıynsha-4 grant;
- «Doktorantýra» baǵdarlamasy boıynsha-4 grant.
Grant mynadaı shyǵystardy jabýdy kózdeıdi:
- tegin oqytý;
- «Doktorantýra» baǵdarlamasy boıynsha oqý kezinde aı saıynǵy stıpendıa.
Qazaqstan azamattarynyń «Bakalavrıat», «Magıstratýra» baǵdarlamalary boıynsha turýy bilim alýshynyń óz qarajaty esebinen júzege asyrylady. Barlyq stıpendıattar medısınalyq saqtandyrý alýǵa mindetti.
Oqytý tili – polák tili. Polák tilin oqytý boıynsha mindetti daıyndyq kýrstary qarastyrylǵan.
Úmitkerlerdi irikteýdiń negizgi krıterııleri:
1) baldyq júıe boıynsha shet tilin bilý deńgeıi;
2) baldyq júıe boıynsha bilim týraly qujattyń ortasha baly;
3) Táýelsiz saraptama komısıasyn baǵalaý.
Qajetti qujattar týraly qosymsha aqparatpen, qujattardy tapsyrý jónindegi nusqaýlyqpen «Halyqaralyq baǵdarlamalar ortalyǵy» AQ bolashak.gov.kz saıtynda tanysýǵa bolady.