Qostanaı oblysynyń polıseıleri jalǵan habar bergen mas turǵyndy anyqtady
Qostanaı oblysynyń polıseıleri úıinde kisi óltirý boldy dep jalǵan habar bergen mas turǵyndy anyqtady, – dep habarlaıdy Polisia.kz.
12 jeltoqsanda Áýlıekól aýdandyq polısıa bóliminiń kezekshi bólimine er adam qońyraý shalyp, onyń úıinde kisi óltirý bolǵanyn habarlady.
Polıseıler mekenjaı boıynsha kelgen kezde bul derek rastalmady. Qyzmetkerlermen qońyraý shalýshy anyqtaldy. Ol Amanqaraǵaı aýylynyń 31 jastaǵy turǵyny bolyp shyqty.
Medısınalyq kýálandyrý nátıjeleri boıynsha er adamda alkogóldik masańdyqtyń ortasha dárejesi anyqtaldy.
– Arnaıy qyzmetke qasaqana qońyraý shalǵany úshin QR ÁQBtK-niń 438-baby boıynsha (Arnaýly qyzmetterdi kórineý jalǵan shaqyrý) boıynsha ákimshilik is qozǵaldy. Oǵan 30 AEK mólsherinde aıyppul salyndy, – dedi Qostanaı oblysy PD bastyǵynyń birinshi orynbasary Alekseı Mılúk.
Osy jyldyń basynan bastap Qostanaı oblysy boıynsha arnaýly qyzmetterdi jalǵan shaqyrǵany úshin 330-dan astam adam ákimshilik jaýapkershilikke tartyldy.