Almatyda polıseıge judyryq ala júgirgen er adam qamaýǵa alyndy, – dep habarlaıdy Polisia.kz.
19 jeltoqsan saǵat 03:20-da Dostyq dańǵyly men Snegın kóshesiniń qıylysynda patrúldik polısıanyń mamandandyrylǵan batalónynyń ekıpajy júrgizýshisiniń is-áreketi kúdikti bolyp kóringen Toyota avtokóligin baıqady. Qoldanylǵan sharalardyń arqasynda kólik toqtatyldy.
Kólik ishinde júrgizýshi men tórt jolaýshy bolǵan, olar birden teris qylyq kórsetip, mas kúıde polısıa qyzmetkerleriniń zańdy talabyna baǵynbady.
Sonymen qatar er adamdar ózderiniń zańsyz áreketteri sebebinen toqtatylǵan Toyota Camry kóliginiń júrgizýshisine qashyp ketýge kómektesti.
Ol da mas kúıinde rólge otyrǵan bolýy múmkin. Sonyń saldarynan jol qozǵalysyna qatysýshylarǵa naqty qaýip tóndirgen. Júrgizýshiniń jeke basy anyqtaldy. Ony ustaý sharalary júrgizilip jatyr.
Sondaı-aq quqyq buzýshylardyń biri zańdy talapqa baǵynbaı, polısıa qyzmetkeriniń betinen urǵan. Onyń bul áreketteri QR QK-niń 380-baby (Bılik ókiline qatysty qorqytý nemese kúsh kórsetý áreketteri) boıynsha kvalıfıkasıalanady.
Sonymen qatar oqıǵaǵa qatysýshylardyń barlyǵyna qatysty QR QK-niń 379-baby (Bılik ókiline baǵynbaý) boıynsha qylmystyq is tirkeldi jáne QR ÁQBtK-niń 667-baby (Quqyq qorǵaý organy nemese arnaýly memlekettik organ, áskerı polısıa organy, memlekettik feldegerlik qyzmet qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý) jáne QR ÁQBtK-niń 440-baby (Alkogóldik ishimdikterdi ishý nemese qoǵamdyq oryndarǵa masań kúıde kelý) boıynsha ákimshilik materıaldar jınaqtaldy.