Qazir oraza, men aýyz bekittim, Dıma maǵan kómektesedi
Erli-zaıyptylar - Dmıtrıı men Elmıra Dannık Almaty qalasynyń polısıasynda qyzmet etedi. Ol - jedel kezekshi, polısıa podpolkovnıgi. Jubaıy – polısıa maıory shenindegi, jyldam qımyldaý arnaıy jasaǵynyń ınspektory, dep habarlaıdy Almaty-akshamy.kz.
Elmıra: Biz İİM Akademıasynda tanystyq. Men birinshi kýrsta, Dıma úshinshi kýrsta oqydy. Ol bizdiń toptyń jigitterine kelip júretin, olar jaqyn aralasty. Ol barlyq balalar sıaqty sońǵy partada otyrdy, men - birinshi partada. Ol - meniń bolashaq kúıeýim dep oılamadym», - dedi, maıor Dannık.
Dmıtrıı: Elmıra İİM Akademıasyn bitirgen kezde, qatarda turǵanda men oǵan ǵashyq boldym. Men onyń qatarda qalaı turǵanyn kórdim - bul birden janyma jaqty. Sol kezde men oǵan úılenemin dep sheshtim», - dep, otaǵasy mahabbat tarıhyn eske aldy.
Elmıra: Biz sanaly túrde tájirıbede dos boldyq. Ol maǵan kómektesti, menimen birge kezekshilikte boldy, oqıǵa ornyna bardy - túnde qyz balanyń mekenjaılarǵa barýy qaýipti boldy. Qorshaýǵa birge baryp júrdik. Osydan keıin, biz bir-birimizsiz ómir súre almaıtynymyzdy túsindik.
Dmıtrıı: Anam biz úılengimiz keletinin boljap júrdi. Saqına alýǵa barǵan kezde, eń birinshi anama habar berdim. Ol qýandy. Ol bizdi kózine jas alyp qarsy aldy.
Elmıra: Bizde bundaı joq: ne seniń dástúriń, ne meniń dástúrim. Biz bárin biriktiremiz. Qazir oraza, men aýyz bekittim, Dıma maǵan kómektesedi.
Dmıtrıı: Ol úıge aýyzasharǵa keledi, men dastarhan jaıyp, ony tamaqtandyramyn. Tańerteń men ony sáresine turǵyzý úshin oıatqyshty qoıamyn
Elmıra: Bizdiń ata-analarymyzǵa kóp rahmet. Olar bizge kómektesedi. Kishkentaı qyzymyz ósip kele jatyr. Olar ony mektepten alyp ketedi, jattyǵýǵa aparady, bir sózben aıtqanda, ata-anamyz kúndelikti máselelerdi sheshýge kómektesedi
Dmıtrıı: Men otandastarymyzǵa senim, sabyr, ultyna, dinine qaramastan bári birin-biri baǵalaýlaryn tileımin. Bizde Qazaqstanda bári bir. Barlyǵyna zor densaýlyq tileımin!