Búgingi tańda Almaty qalasynda 1462 bilim berý mekemesi bar.
Almaty polısıasy jol-kólik jaraqatynyń aldyn alý jáne jol-kólik oqıǵalaryn boldyrmaý maqsatynda jalpy bilim beretin jáne mektepke deıingi mekemelerge irgeles aýmaqtarǵa tekserý júrgizdi, dep habarlaıdy Almaty-akshamy.kz.
«Jalpy, bilim oshaqtaryndaǵy jol belgileri tolyǵymen ornatylǵan. Aıtpaqshy, jol qozǵalysyna qatysýshylardyń nazaryn aýdarý úshin maksımaldy jyldamdyq týraly habarlaı otyryp, “Nazar aýdaryńyz! Balalar!”, “Jaıaý júrginshiler” jáne basqa da aqparattary bar jol belgileriniń 1408 birligi ornatylyp, 588 birligi aýystyryldy. Sonymen qatar balalardyń qaýipsizdigin qamtamasyz etý jáne irgeles aýmaqqa balalardyń kezdeısoq shyǵýyna jol bermeý úshin negizgi kóshelerge temir qorshaýlar men qorshaý dóńgelegi ornatyldy. Sondaı-aq 207 rettelmeıtin jaıaý júrginshiler ótkeli LED jaryqtandyrýymen jáne jeke jobalanǵan paneldermen jabdyqtalǵan», – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Sonymen birge, ÁPB málimetteri boıynsha, bilim berý mekemeleri aýmaǵynda kólik qozǵalysynyń jyldamdyǵyn baqylaý maqsatyndaSergek” AÓK-niń 112 beketi jumys isteıdi. “Mektep avtobýsy” jobasyn júzege asyrý aıasynda 2023 jyly 30 mektepke 8258 oqýshyny qamtıtyn 100 avtobýs satyp alyndy. 2024 jyly 15360 balany qamtıtyn taǵy 100 avtobýs satyp alý josparda bar.