Elimizdiń birqatar óńirinde aýa raıynyń qolaısyzdyǵyna baılanysty İshki ister mınıstrligi jol qozǵalysyna qatysýshylarǵa úndeý jasady, – dep habarlaıdy aqshamnews.kz.
Qubylmaly aýa raıy saqtalyp otyrǵan Aqmola, Aqtóbe, Qaraǵandy, Qostanaı, Pavlodar, Shyǵys Qazaqstan, Soltústik Qazaqstan jáne Abaı oblystary, sondaı-aq elordadaǵy trassalarda tártip saqshylary júrgizýshiler men jolaýshylarǵa táýlik boıy kómek kórsetip jatyr.
– Boran men kóktaıǵaq saldarynan joldarda qaýipti jaǵdaılar týyndaýy múmkin.
Jol-kólik oqıǵalarynyń aldyn alý jáne qozǵalystyń barlyq qatysýshylarynyń qaýipsizdigin qamtamasyz etý maqsatynda sizderdi jol erejelerin qatań saqtaýǵa shaqyramyz.
Kórý múmkindiginiń azaıatynyn eskere otyryp, jyldamdyqty asyrmaýdy suraımyz. Manevr jasaýdan aýlaq bolyńyzdar, kólikter arasyndaǵy araqashyqtyqty saqtańyzdar.
Jaıaý júrginshiler ótetin jerlerde júrgizýshiler óte muqıat bolýy tıis. Avtokóliktiń tehnıkalyq jaǵdaıyn tekserý jáne qysqy dońǵalaqtardy paıdalaný óte mańyzdy.
Aýa raıy kúrt nasharlaǵan jaǵdaıda alys saparǵa shyqpańyzdar. SMS-habarlandyrýlar men resmı derekkózderdegi aqparatty nazardan tys qaldyrmaǵan jón.
Jol júrisi qaǵıdalaryn saqtaý – qaýipsizdik kepili. Tótenshe jaǵdaı oryn alsa, 112 nómiri arqyly shuǵyl qyzmetke, 102 nómiri arqyly polısıaǵa habarlasyńyzdar, – dep eske saldy polısıa qyzmetkerleri.
Sonymen qatar vedomstvo qarapaıym erejelerdi ustaný oqys oqıǵalardyń aldyn alatynyn atap ótti.