Arnaıy daıyndalǵan ıtter psıhıkalyq jáne júıke júıesin jeńildetedi, belgili bir áleýmettik jáne kommýnıkatıvti minez-qulyqty damytýǵa kómektesedi.
Arnaıy túzetý mektep-ınternatynyń balalary Almaty qalasyndaǵy İİM Kınologıalyq ortalyǵyna shaqyryldy, dep habarlaıdy almaty-akshamy.kz
Polisia.kz saıtynyń málimetinshe, erekshe balalar qyzmettik ıttermen tanysty, olardyń kórsetilimderine qatysyp, tórt aıaqty polısıa kómekshilerin basqarýdy jáne komandalar berýdi úırendi.
İİM Esirtki qylmysyna qarsy is-qımyl departamentiniń bastyǵy Erlan Omarbekov muǵalim-tútorlarmen kezdesýde polısıa ıtterin osyndaı kezdesýler úshin erekshe balalarmen komýnıkasıa ádisterine arnaıy oqytqanyn atap ótti. Olar qımyldardy, sóıleý ıntonasıasyn óte jaqsy sezinedi jáne durys túsinedi, beıtanys adamdardyń dostyq minez-qulqyn yntalandyrady.
Arnaıy daıyndalǵan ıtter psıhıkalyq jáne júıke júıesin jeńildetedi, belgili bir áleýmettik jáne kommýnıkatıvti minez-qulyqty damytýǵa kómektesedi. Árbir erekshe bala eresek ıtpen tanysýǵa, kúshikterge jaqyndap oınaýǵa, olardy tamaqtandyrýǵa múmkindik aldy.
Barlyq balalar men olardy ertip kelgen eresek adamdar kınologıalyq ortalyqtyń qaraýyndaǵy ıttermen estelik fotosýretterge túsip, syılyqtar aldy.