Bul týraly BUU, Ulybrıtanıa jáne Italıa elshiligi elimizdiń jastarymen ótken kezdesý barysynda Qazaqstandaǵy BUU turaqty úılestirýshisi Mıkaela Frıberg-Storı málimdedi, dep habarlaıdy almaty-akshamy.kz Baq.kz silteme jasap.
Klımattyń ózgerýi qatty baıqalady. Ol ózgerister jylyný, sý basý, orman órtteri men qurǵaqshylyqty týdyryp, janýarlar men ósimdikterdiń joǵalyp ketýine sebep bolýy múmkin. Onyń saldaryn Qazaqstannan da baıqap otyrmyz. Aýa raıynyń tótenshe jaǵdaılary saldarynan bolatyn shyǵyndar da ósýde. Ol 330 mlrd AQSH dollaryn quraıdy. Klımattyń ózgerýi ulttyq ekonomıkany quldyratyp, mıllıondaǵan adamnyń ómirine yqpal etedi, - dedi Mıkaela Frıberg-Storı.
Onyń aıtýynsha, álem elderine jahandyq temperatýranyń 2,7 Selsıı gradýsqa apatty túrde artý qateri tónip tur.
Sol sebepti klımatty qalpyna keltirý úshin shamamen 20% ınvestısıa «jasyl» ekonomıkany qoldaýǵa baǵyttalatyn bolady. Eger biz kómirtektiń jahandyq shyǵaryndysyn 45%-ǵa qysqartpasaq, arada 100 aı ótkende, ıaǵnı 2030 jylǵa qaraı 1,5 gradýs temperatýramen bolashaqqa qol jetkizý qıyn, - dep atap ótti BUU turaqty úılestirýshisi.