Aqmola oblysy, Zerendi aýdandyq polısıa bólimi bastyǵynyń orynbasary Turar Turaruly Dúısembınge izdeý jarıalandy
Oblystyq Polısıa departamenti baspasóz qyzmetiniń málimetinshe, T.T. Dúısembınniń habar-osharsyz ketkendigi týraly 23 maýsymda Kókshetaý polısıa basqarmasyna ótinish túsken. Áıeliniń sózinshe, Turar Dúısembın 20 maýsymda úıden shyǵyp, sol kúıi habarsyz ketken. PD baspasóz qyzmetindegiler T.T. Dúısembın qazirgi ýaqytta buıryqqa sáıkes kezekti eńbek demalysynda ekenin aıtady.
«Ótinish túskennen keıin birden polısıa departamenti keshendi izdestirý is-sharalaryn uıymdastyrdy, Zerendi aýdany Polısıa bólimi, Kókshetaý qalalyq Polısıa bólimi, Polısıa departamentiniń jeke quramy, sondaı-aq, áskerı qyzmetshiler men eriktiler jumyldyryldy», - deıdi vedomstvodan.
Osy rette, Polısıa qyzmetkerleri T.T. Dúısembınniń ornalasqan jeri týraly qandaı da bir aqparat ıe adam bolsa, dereý quqyq qorǵaý organdaryna habarlaýdy suraıdy.