Qaskúnem tártip saqshylarynyń talabyn elemeı, jyldamdyǵyn arttyryp, jasyrynýǵa tyrysqan.
Abaı oblysynyń polısıasyna Glınkı kóshesindegi úıdiń aýlasynan avtokólik urlanǵany týraly sıgnal túsken, polısıa qyzmetkerleri kúdiktini anyqtady, dep habarlaıdy Almaty-akshamy.kz.
Júrgizýshi kólik quralyn avtoturaqta ashyq qaldyrǵan, sol sebepti ony aıdap áketý qıyn bolmaǵan. Patrúldik polısıa batalónynyń ınspektorlary baǵdar alyp, Rysqulov kóshesi boıynda urlanǵan kóliktiń qozǵalysyn izin sýytpaı anyqtady.
Polisia.kz habarlaýynsha, kólikti toqtatýǵa tyrysqannan keıin qaskúnem tártip saqshylarynyń talabyn elemeı, jyldamdyǵyn arttyryp, jasyrynýǵa tyrysqan. Eger jolda kólikti toqtatýǵa asyqqan polıseıler bolmasa, Abaı oblysynyń 27 jastaǵy turǵyny urlanǵan avtokólikpen emin-erkin júre berer edi.
"102" arnasyna saǵat 23:00 shamasynda polısıaǵa Glınkı kóshesindegi úıdiń aýlasynan avtokólikti urlaý týraly sıgnal túsedi. Kólik quralynyń tizgininde kólik júrgizýge quqyǵy joq mas kúıinde 27 jastaǵy jergilikti turǵyn bolǵan. Medısınalyq mekemeniń kýálandyrý nátıjesi 2,01 mg/l onyń ortasha masań bolǵanyn jáne ózdiginen aıaǵyna tura almaıtynyn rastady. Atalǵan fakt boıynsha QR QK-niń 200-baby boıynsha sotqa deıingi tergeý bastaldy. Qaskúnemge aıyp taǵylyp, eshqaıda ketpeý jáne tıisti minez-qulyq týraly qolhat túrindegi bultartpaý sharasy tańdaldy.