20 qyrkúıekte Almaty-Tashkent avtojolynyń 168 shaqyrymynda jol erejesin óreskel buzǵany úshin polısıa qyzmetkeri Jambyl oblysy Qordaı aýdanynyń 61 jastaǵy turǵynynyń basqarýyndaǵy "Toıota Karına" markaly avtokóligin toqtatqan.
Buzýshylyqty tirkeý kezinde júrgizýshi patrúldik polısıa batalóny qyzmetkeriniń moınyna bir ret jınalmaly pyshaqpen urǵan, dep habarlaıdy almaty-akshamy.kz.
Osy fakti boıynsha QR QK-niń 380-1-baby 1-bóligi boıynsha (quqyq qorǵaý organy qyzmetkeriniń ómirine qol suǵýshylyq) boıynsha sotqa deıingi tergeý bastaldy.
Jaýap alý kezinde er adam áıeliniń qaıtys bolýyna jáne turmystyq máselelerge baılanysty depressıalyq jaǵdaı ony osyndaı úmitsiz qadamǵa ıtermelegenin túsindirdi. Óziniń oılanbaı jasaǵan áreketiniń aýyrlyǵyn túsinip, jasaǵan isine ókinetin jetkizdi.
Polısıa qyzmetkeri aýrýhanaǵa jetkizildi. Ustalǵan adam Qordaı APB ýaqytsha ustaý ızolátoryna qamaldy. Qyzmettik tergeý taǵaıyndaldy.