Almatyda ashyq aspan astynda qazaq jáne shet tilderin oqytý boıynsha tegin kýrs uıymdastyrýǵa baǵyttalǵan «Tilder saıabaǵy» qalalyq áleýmettik jobasy ashyldy.
Joba qalanyń jastar saıasaty basqarmasynyń, Almaty ákimdiginiń jobalyq keńsesiniń jáne qala eriktileriniń front keńsesiniń qoldaýymen júzege asyrylyp jatyr, dep habarlaıdy aqshamnews.kz
«Tilder saıabaǵy» lıngvısıkalyq jobasy Almaty qalasynyń iri saıabaqtarynda ashyq aýada oqytylady, megapolıstiń barlyq 8 aýdanyn qamtıdy.
Qazir onda qazaq, orys, aǵylshyn, túrik, qytaı jáne koreı tilderinen kýrstar bar. Sabaqtar aptasyna 3 ret ótkiziledi, 6 jastan 60 jasqa deıingi barlyq nıet bildirýshi qatysa alady. Joba aıaqtalǵan soń qatysýshylarǵa tildi meńgerý deńgeıin rastaıtyn sertıfıkat beriledi.
Aldaǵy ýaqytta jobany uıymdastyrýshylar basqa da shet tilderin qosýdy josparlap otyr.
«Tilder saıabaǵy» qyrkúıektiń sońyna deıin eki aı boıy jumys isteıdi. Jobanyń eń belsendi qatysýshylary úshin kúzgi-qysqy ýaqytta aýdannyń komúnıtı ortalyqtary bazasynda oqý jalǵasady. Osylaısha, joba qala turǵyndaryn jyl boıy oqytady.
Aıta keteıik, jyl saıyn Almatyda jastarǵa arnalǵan 1000-nan astam tegin kýrs, ekologıalyq, mádenı jáne sporttyq is-shara ótkiziledi. Bul jobalardyń barlyǵy jastardy qalanyń qoǵamdyq ómirine tartýǵa, jeke damýyna jáne bos ýaqytyn tıimdi ótkizýge baǵyttalǵan.
«Tilder saıabaǵy» aıasynda sabaqtar barlyq aýdanda bir mezgilde ótkiziledi. Kýrstyń kestesin myna silteme boıynsha kórýge bolady: https://www.instagram.com/p/C-C4eY7qieD/?igsh=NzI3aG4xNmVic3Iz
Tolyq aqparat: +7 747 821 6478, Almaty eriktileriniń front keńsesi