Búginnen bastap Qulsary-Atyraý baǵytynda jolaýshylar poıyzy tegin qatynaıdy.
Keshe respýblıkalyq mańyzy bar Dossor-Qulsary arasyndaǵy tas joldy sý shaıyp ketti. Búgin saǵat 10:30-da poıyz Qulsary stansıasynan oblys ortalyǵyna attanady, dep habarlaıdy almaty-akshamy.kz 24 kz-ke silteme jasap.
Jolaýshylardyń suranysyna sáıkes Jylyoı aýdanyna qarasty Shoqpartoǵaı men Maqat stansıalaryna da toqtaıdy. Shoqpartoǵaı aýyly aralda qalǵannan keıin eldi mekenge azyq-túlik, qajetti qural-jabdyqtar jetkizý josparlanyp otyr.
Júsip Qalıhanov, Qulsary temirjol stansıasynyń bastyǵy:
- Jylyoı aýdanyndaǵy tótenshe jaǵdaıǵa baılanysty Qazaqstan temirjoly atynan 5 vagon berildi. Jalpy tegin. Jolaýshylarǵa bılet satylmaıdy. Atyraýǵa baram deýshiler bolsa, Shoqpartoǵaıǵa baram deýshiler bolsa, jolda Maqat, Dossor degen stansıalarǵa baram deýshiler bolsa osy poıyzǵa minýine bolady.