Pnevmonıa – barlyq jastaǵy adamdar zardap shegetin tynys alý joldarynyń eń qaýipti aýrýlarynyń biri. Kardıologıa jáne ishki aýrýlar ǴZI pýlmonolog dárigeri Aıda Jádildi aıtty, dep habarlaıdy aqshamnews.kz
Aıtýynsha, eger ýaqytynda dıagnoz qoıylyp, terapıany keshiktirmeı bastasa pnevmonıany emdeýge bolady .
– Kúzgi - qysqy kezeńde jedel respıratorlyq ınfeksıalardyń, sonyń ishinde pnevmonıanyń damý qaýpi artady. Pnevmonıa – ókpeniń tynys alý joldarynyń oshaqty zaqymdanýymen sıpattalatyn jedel ınfeksıalyq aýrý. Aýrý negizinen jótel, qaqyryq, álsizdik, entigý belgilerimen qatar dene qyzýy joǵarylaýynan bastalady,– deıdi dáriger.
Pýlmonolog, pasıentterdiń keıbirinde, ásirese egde jastaǵy adamdarda pnevmonıaǵa tán shaǵymdar men fızıkalyq belgiler bolmaýy múmkin, ıntoksıkasıa sındromy basym bolatynyn jetkizdi. Iaǵnı pnevmonıanyń A tıpti túri dene qyzýy kóterilmeı, qan kórsetkishterinde aıtarlyqtaı ózgeris bolmaı, ıntoksıkasıa saldarynan bas aýrýy, bulshyqet nemese tamaq aýyryp, qurǵaq jótelmen qatar júredi.
– Eger ýaqytyly dıagnoz qoıyp, terapıany keshiktirmeı bastasa, pnevmonıa emdeledi. Pnevmonıa adamnyń densaýlyǵy men ómirine, ásirese osal sanattaǵy adamdarǵa áser etýi múmkin. Aldyn alý jáne ýaqytyly medısınalyq kómekke júginý asqynýlardyń aldyn alýǵa jáne ólim-jitim deńgeıin tómendetýge yqpal etedi, – Aıda Jádildi.
QR Densaýlyq saqtaý mınıstrliginiń málimetine sáıkes, 2024 jyldyń basynan 9 aı ishinde Qazaqstanda 76 myńnan astam jaǵdaı tirkelgen.