Pfizer kovıdti emdeýge arnalǵan jańa dári shyǵardy
Rfizer kompanıasy koronavırýs saldaryn emdeýge arnalǵan jańa Paxlovid preparatynyń tıimdiligin málimdedi. Preparat qaýip tobyndaǵy adamdar arasynda aýrýhanaǵa jatý jáne ólim jaǵdaılaryn 90 paıyzǵa azaıtty, dep habarlaıdy Almaty-akshamy.kz
Testileýge 2,2 myńnan artyq volonter qatysqan. Alynǵan málimet qarasha aıynda jarıalanǵan nátıjeni rastap shyǵardy. Kompanıa birde-bir elde qoldanýǵa ruqsat etilmegen Pakslovıd preparaty zerthanalyq synaqta koronavırýstyń «omıkron» nusqasyna qarsy tıimdiligin tanyta alǵanyn málimdedi.
Pakslovıd eki preparat - jańa tájirıbelik dári Nırmatrelvır men AITV-ǵa qarsy qoldanylatyn vırýsqa qarsy Rıtonavır preparattarynyń qosyndysy. Bul dárini bes kún qabyldaý qajet.
Taǵy bir preparat - Merck kompanıasy shyǵarǵan Molnýlıravır Ulybrıtanıada qoldanýǵa ruqsat etilgen.
Alaıda zertteý qorytyndylary Molnýlıravırdiń aýrýhanaǵa jatqyzý jáne ólim oqıǵalarynyń sanyn nebári 30 paıyzǵa tómendetkenin kórsetti, ony qoldaný qaýipsizdigine de qatysty suraqtar týyndaǵan.