Qazaqstanda Pfizer vaksınasy eń áýeli qaı jastaǵy balalarǵa salynatyny belgili boldy
Sanıtarlyq-epıdemıologıalyq baqylaý komıtetiniń saıtynda elimizde balalardy vaksınalaýǵa qatysty metodıkalyq usynymdar paıda boldy, dep habarlaıdy Almaty-akshamy.kz
Qujatta bastapqy kezeńde koronavırýsqa qarsy profılaktıkalyq egýdi 16-dan 18 jasqa deıingi jasóspirimderden bastaý qajettigi aıtylǵan.
«Kelesi kezeńderde (vaksına saldyrýǵa nıetti 16 men 18 jas aralaǵyndaǵy jasóspirimderge koronavırýsqa qarsy vaksına salyp bolǵannan keıin) 15, 14, 13 jáne 12 jastaǵy jasóspirimderge ret-retimen vaksına salynady», - delingen qujatta.
Sonymen qatar, qujatta mektepterde, kolejder men joǵary oqý oryndarynda oqıtyn jasóspirimderge vaksına oqý ornynda salynýy múmkin ekeni aıtylǵan. Odan bólek, aıaǵy aýyr áıelder júktiliktiń 16-37 aptasy aralyǵynda, al bala emizetin analar bosanǵan soń 42 kúnnen keıin koronavırýsqa qarsy vaksına saldyra alady.
Elimizge Pfizer vaksınasynyń 8-14 qarasha aralyǵynda jetkiziletinin budan buryn habarlaǵanbyz. Osyǵan deıin jarıalanǵan kelisimsharttyq mindettemelerge sáıkes 2 mln adamǵa shamamen 4 mıllıon vaksına jetkizilmek.