Sebebi, ekpeni aldymen aıaǵy aýyr jáne bala emizetin áıelder men jetkinshekterge salmaq.
Qalalyq Sanıtarıalyq-epıdemıologıalyq baqylaý departamenti basshysynyń orynbasary Ásel Qalyqovanyń málimdeýinshe, amerıkalyq ekpemen revaksınalanýǵa nıet bildirgender emhanaǵa ótinim berýi qajet, dep habarlaıdy Almaty-akshamy.kz
«Eger almatylyqtar Pfizer-men revaksınalanǵysy kelse, turǵylyqty mekenjaıy boıynsha tirkelgen emhanasyna barýy qajet. Onda mamandardyń kómegine júginip, amerıkalyq ekpeni alǵysy keletinin málimdese, onyń tolyq aty-jónin tizimge engizedi. Biraq aldymen Pfizer ekpesin alýǵa tıisti úsh top vaksınalanyp bitýi kerek. Artyq doza qalǵan jaǵdaıda ǵana nıet bildirýshilerge Pfizer usynylýy múmkin», – dedi Almaty qalasy Sanıtarıalyq-epıdemıologıalyq baqylaý departamenti basshysynyń orynbasary Ásel Qalyqova.
Elimizde kópten kútken amerıkalyq Pfizer vaksınasynyń 4 mıllıonnan asa dozasy bar. Júk tıelgen ushaq ótken túnde Almaty halyqaralyq áýejaıyna kelip qondy. Jetkizilgen ekpeniń dozalary bólinip, birden ár qalaǵa jedel ushaqpen jóneltildi. Al Almatyda vaksınanyń 46 800 dozasy qaldy. Ol da búgin qala emhanalaryna taratyldy.