Qazirgi ýaqytta ortalyqta eki qazandyq agregaty men 2 týrbına ǵana jumys istep tur
Petropavldaǵy № 2 jylý-elektr ortalyǵynda kezekti ret apat bolyp, birneshe qazandyq isten shyqty, dep habarlaıdy Almaty-akshamy.kz Qazaqparatqa silteme jasap.
Petropavldaǵy № 2 jylý-elektr ortalyǵynda 26 naýryz kúni saǵat 21.30 shamasynda apat boldy. Áleýmettik jelide taraǵan aqparat boıynsha, qazirgi ýaqytta ortalyqta eki qazandyq agregaty men 2 týrbına ǵana jumys istep tur.
“SevKazEnergo” AQ baspasóz qyzmeti bul málimetti rastady.
Baspasóz hatshysy Lılıa Sherınanyń aıtýynsha, qazirgi ýaqytta kásiporynda jóndeý-qalpyna keltirý jumystary júrgizilip jatyr. Tolyq aqparat sál keıinirek beriledi.
Esterińizge salaıyq, 20 naýryz kúni jylý-elektr ortalyǵynyń tútin murjasy jartylaı opyrylyp qulap, saldarynan jumysshy áıel mert boldy. Al Petropavl turǵyndary páterleriniń sýyp ketkenine shaǵymdanǵan edi.