İzdeý jumystary 2 táýlikten astam ýaqyt júrgizildi
Petropavlda jylý-elektr ortalyǵyndaǵy apat kezinde úıindi astynda qalǵan mashınıst-qaraýshynyń denesi tabyldy, dep habarlaıdy Almaty-akshamy.
Soltústik Qazaqstan oblysy densaýlyq saqtaý basqarmasynyń baspasóz qyzmeti jylý-elektr ortalyǵynda tútin murjasy opyrylyp túsken kezde úıindi astynda qalǵan mashınıst-qaraýshynyń denesi tabylǵanyn rastady.
Áleýmettik jelide áıeldiń denesi tabylǵany jóninde aqparat shamamen eki saǵat buryn tarady.
SQO tótenshe jaǵdaılar departamentiniń málimetinshe, kezekshi aýysym qyzmetkerleriniń bar-joǵyn anyqtaý kezinde qazandyq sehynyń jabdyqtaryn qaraýshy mashınıst, 1984 jyly týǵan áıeldiń joqtyǵy anyqtalǵan.
SQO TJD qyzmetkerleri oqıǵa ornynda dereý izdestirý-qutqarý jumystaryn bastady. Keıin olarǵa Nur-Sultan qalasynyń jedel-qutqarý jasaǵynyń qutqarýshylary qosyldy.
İzdeý jumystary 2 táýlikten astam ýaqyt júrgizildi. Bul jumysqa kınologıalyq qyzmet te tartyldy. Aýyr ınjenerlik tehnıkany paıdalaný múmkindigi bolmaǵandyqtan qutqarýshylar úıindilerdi qolmen shans jáne gıdravlıkalyq quraldardy paıdalana otyryp qopardy.
22 naýryz kúni saǵat 10.32-de qurylys konstrýksıalarynyń úıindileriniń astynan áıeldiń denesi tabyldy. Saǵat 12.05-te múrde úıindilerdiń astynan shyǵaryldy jáne sot-medısınalyq saraptama júrgizý úshin berildi.
SQO TJD psıhologıalyq qyzmet toby marqumnyń týystarymen jumys istep jatyr.
Jumysshynyń aty-jóni - Natalá Olegovna Chefonova.
Esterińizge salaıyq, 20 naýryz kúni saǵat 19.20 mınýt ketkende Petropavldaǵy jylý-eleýtr ortalyǵynyń bir murjasy qulady.
Ortalyqtaǵy apatqa baılanysta qylmystyq is qozǵaldy.
JEO-daǵy tútin murjasynyń jartylaı qulaýyna baılanysty oblys ákimi jedel shtab qurdy.
Osy oqıǵa boıynsha Prezıdent oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy.
21 naýryz kúni apat bolǵan jylý ortalyǵynyń dırektory men bas ınjener ýaqytsha ustaý ızolátoryna qamaldy.