2025 jyldyń 25-30 qazan kúnderi aralyǵynda Almatyda «BI-Juldyzaı» qaıyrymdylyq qorynyń «MUMKINDIK» jobasy aıasynda Pedıatrıa jáne balalar hırýrgıasy ǵylymı ortalyǵynda Italıanyń «Ospedale del Cuore. Fondazine Toscana Gabriele Monasterio» (Massa q., Italıa) kardıologıa ortalyǵynyń mamandary: balalar kardıohırýgy Vıtalı Pak, anestezıolog-reanımatolog Elıza Barberı, balalar kardıolygy Kára Marrone qazaqstandyq dárigerlerge sheberlik sabaǵyn ótkizip, tájirıbelerimen bólisti, - dep habarlaıdy AqshamNews.kz.
Sheberlik sabaǵyna Pedıatrıa ortalyǵynyń balalar kardıohırýrg mamandary, sonymen qatar Almaty, Taraz, Aqtóbe, Astana qalalarynyń kardıohırýrgtary men kardıologtary, anestezıolog-reanımatologtar men rentgenhırýrgtar, sáýlelik dıagnostıka mamandary men meıirbıkeler qatysty.
Sheberlik sabaǵy aıasynda kúrdeli júrek operasıasyn qajet etetin 6 balaǵa júrek otasy jasalyndy. Qazirgi tańda balalardyń jaǵdaılary turaqty, barlyq balalar ókpeniń jasandy jeldetý apparatynan ajyratyldy, 4 bala bólimshege emin jalǵastyrýǵa aýystyryldy. Barlyq 6 balaǵa jasalǵan ota sátti, asqynýsyz ótti. Operasıalar ýaqyty 4 saǵattan 6 saǵatqa deıin sozyldy.
Odan bólek 80-nen asa balaǵa konsýltasıa júrgizildi. Operasıadan keıingi pasıenterge reanımasıa bólimshesinde kúndelikti qaraý júrgizilip, dınamıkada baqylanyp, emi boıynsha ıtalıandyq mamandarmen birge túzetýler engizildi.
Italıanyń kardıohırýrg dárigerleri Pedıatrıa ortalyǵynyń kardıohırýrgtary men reanımatologtarynyń jáne meıirgerlerdiń kásibı deńgeıiniń joǵary ekendigin atap ótti. Sonymen qatar, sheberlik sabaqtary men tájirıbe almasý jalǵasatynyna senimdilik bildirip, qazaqstandyq jas mamandardy Italıa eline biliktiligterin arttyrýǵa shaqyrdy.
Qazaqstandaǵy balalar kardıohırýrgıasynyń damýyna yqpal etip, balalardyń saýyǵyp ketýine jáne Otandyq mamandardyń damýyna, kásibı deńgeıin jetildirýge múmkindik bergeni úshin «BI-Juldyzaı» qaıyrymdylyq qorynyń «MUMKINDIK» jobasyna úlken alǵysymyzdy bildiremiz!
