Astana qalasynyń Nura aýdanyndaǵy turǵyn úı kesheninde bir er adam lıft ishinde, ekinshisi lıft shahtasynda qalyp qoıdy. Olardy shyǵarý úshin qutqarýshylarǵa quraldar qoldanýǵa týra kelgen, dep habarlaıdy Aqshamnews.kz tilshisi.
Qalalyq TJD málimetinshe, oqıǵa 4 qarashada saǵat 05:11-de bolǵan. Bir turǵyn lıft ishinde qalyp qoısa, taǵy bir adamdy mehanızm qysyp qalýy múmkin degen aqparat túsken.
Áleýmettik jelide oqıǵa ornynan vıdeo da jarıalandy.
"Oqıǵa ornyna jetken jedel-qutqarý jasaǵy qol quraldarynyń kómegimen lıft esigin ashyp, 1994 jyly týǵan er adamdy shyǵardy. Sonymen qatar lıfti qyzmeti mamandarymen birlesip, 1987 jyly týǵan er adamdy lıft shahtasynan kóterip aldy. Ol medısınalyq brıgadaǵa tapsyryldy», – dep habarlady TJD.