Pavlodarda AQSH-taǵy jarnama qosymshalary retinde kórsetilgen TAKORP qarjy pıramıdasyn uıymdastyrǵandarǵa sot úkimi shyqty, - dep habarlaıdy Aqshamnews.kz tilshisi.
TAKORP qarjy pıramıdasy ınovasıalyq jarnama tehnologıalaryna baǵyttalǵan AQSH platformasy retinde tanystyrylǵan. Jobanyń qatysýshylaryna OKX krıptobırjasy arqyly krıptovalúta satyp alý arqyly tirkelý usynylǵan. Negizgi sharttardyń biri - keminde 5 jańa salymshy tartý. Bul talap oryndalǵan jaǵdaıda "baq dóńgelegine" qatysýǵa jáne baǵaly syılyq utyp alýǵa múmkindik berilgen. 80-nen asa azamat ýádelerge senip, 30-dan 500 AQSH dollaryna deıin ınvestısıa salǵan, keıbiri deńgeıine qaraı 2 myń AQSH dollaryna deıin bonýs alamyz dep úmittengen.
"Qylmystyq jolmen alynǵan tabys 59 mln teńgeden asty. Pıramıdany nasıhattaý maqsatynda Zoom platformasy arqyly beınekonferensıalar formatynda jarnama júrgizilgen. Bul kezdesýlerdiń negizgi maqsaty salymshylardyń materıaldyq jaǵdaıyn jaqsartý dep kórsetilgenimen, shyn máninde jańa qatysýshylardy tartý bolǵan", - dep jazylǵan habarlamada.
QMA málimetinshe, salymshylardyń qarajatyna kúdiktiler Pavlodar qalasynan páter satyp alyp, tórt bank depozıtin ashqan. Bul múlikke sot sanksıasymen tyıym salyndy.
Sot qarjy pıramıdasyn uıymdastyrýshylardy 1 jyl 6 aıdan 7 jylǵa deıin bas bostandyǵynan aıyrý jazasyna kesti. Sot úkimi zańdy kúshine engen joq.