Jarokov kóshesi men Ál-Farabı dańǵylynyń qıylysyndaǵy jolaıyryǵynda ortasha jóndeý jumystary júrgizilýine baılanysty kólik qozǵalysyna ýaqytsha shekteý engiziledi.
31 shilde kúni saǵat 08:00-den bastap 1 tamyz saǵat 06:00-ge deıin shyǵys baǵyttaǵy Ál-Farabı dańǵylynyń jáne soltústik baǵyttaǵy Jarokov kóshesiniń burylystary, sondaı-aq Jarokov kóshesimen soltústikten kelip, batys baǵyttaǵy Ál-Farabı dańǵylyna shyǵatyn burylystar jabylady.
Jóndeý júrip jatqan aýmaqta eskertý belgileri men merdiger uıym basshysynyń baılanys derekteri kórsetilgen taqtalar ornatylady. Baǵyt aldyn ala josparlaýyńyzdy suraımyz.
Aıta keteıik, jol qozǵalysyna qoıylatyn shekteýler týraly barlyq aqparat @AlmatyJoly Telegram-arnasynda, aýdan ákimdikteriniń áleýmettik jelilerinde, sondaı-aq 2GIS jáne «Iandeks karty» servısterinde jarıalanǵan.