Keshe tártip saqshylarynyń birine kúrdeli ota jasalǵan
«Patrúl» serıalynyń keıipkerleri búlik kezinde jaralanǵan polısıa qyzmetkerleriniń jaǵdaıyn bilýge bardy, dep habarlaıdy Almaty-akshamy.kz Polisia.kz-ke silteme jasap.
Belgili bolǵandaı, keshe tártip saqshylarynyń birine kúrdeli ota jasalǵan.
Qylmyskerler júk kóligimen onyń eki aıaǵyn qasaqana basyp ótken.
«İshki ister mınıstrligi basshylyǵynyń, Almaty qalalyq PD basshylyǵynyń, jeke quramynyń atynan, barsha qazaqstandyqtardyń atynan biz búgin jappaı tártipsizdikti aýyzdyqtaý kezinde zardap shekken áriptesterimizge baryp, olardyń densaýlyqtaryn bildik. Biz olardyń tez saýyǵyp ketýin jáne azamattardyń qaýipsizdigi men eldegi turaqtylyq úshin jaqyn arada qyzmetke kirisýlerine tilektespiz», – dedi Almaty qalalyq PD bastyǵynyń orynbasary Aıdyn Qabdýldınov.
«Jaǵdaı óte qıyn. Azamattarǵa, olardyń qaýipsizdigine naqty qaýip tóndi. Polısıa qyzmetkerleri men áskerı qyzmetkerlerge óz ómiri men densaýlyqtaryn qaýipke tige otyryp, osy qylmystyq áreketterdi toqtatqany úshin alǵys aıtamyz. Biz de beı-jaı qaramaımyz, qalany qorǵaǵany úshin polısıa qyzmetkerlerine qoldaý bildiremiz», – dedi akterler Medet Amanbaev pen Meıirhan Shernıazov.
Sonymen qatar, vaınerler qylmyskerlerdiń shabýylynan zardap shekken óz jazylýshylarynyń birine kirip shyqty. Abyroı bolǵanda, qazir qyzdyń ómirine qaýip tónip turǵan joq, onyń jaǵdaıy túzeldi.