OSK jerebe tartý rásimin ótkizdi.
Ortalyq saılaý komısıasy partıalardyń ataýlary saılaý búlleteninde qandaı tártippen ornalasatynyn anyqtaý maqsatynda jerebe tartý rásimin ótkizdi, dep habarlaıdy Almaty-akshamy.kz
Jerebege tirkelgen 7 partıanyń ókilderi qatysty. Olar ortaǵa shyǵyp, ishine 1-den 7-ge deıin sandar jazylǵan konvertterdi aldy. Tıisinshe, jabyq konverttegi nómirler partıanyń búlleteninde neshinshi bolyp ornalasatynyn aıǵaqtaıtyn bolady.
«Jerebe qorytyndysyna saı, 19 naýryzǵa taǵaıyndalǵan partıalyq tizimder boıynsha Parlament Májilisi men máslıhattarǵa kezekten tys saılaýda daýys berýdi ótkizý kezeńinde saıası partıalardyń ataýlary saılaý búlleteninde kelesi tártippen ornalasady: Amanat partıasy - birinshi orynda, «Aýyl» halyqtyq-demokratıalyq partıasy - ekinshi orynda, «Respublica» partıasy – úshinshi orynda, Qazaqstan halyq partıasy – tórtinshi orynda, «Baıtaq» jasyldar partıasy – besinshi orynda, «Aq jol» partıasy – altynshy orynda, Jalpyulttyq sosıal-demokratıalyq partıasy – jetinshi orynda. Jerebeni ótkizý tártipteri hattamamen bekitiledi», - dedi OSK múshesi Sábıla Mustafına.