Depýtat FlyArystan áýekompanıasynyń baǵasyn tekserýge bastama kótermek.
Parlament Májilisiniń depýtaty Baqytjan Bazarbek otandyq FlyArystan áýekompanıasynyń qyzmet kórsetý sapasy men baǵa saıasatyna qatysty qatty syn aıtty, dep habarlaıdy almaty-akshamy.kz.
Baqytjan Bazarbek FlyArystan áýekompanıasynyń áreketterin alaıaqtyqqa teńep, jaqyn arada Parlament Májilisinde kompanıanyń bılet baǵasyn belgileý saıasatyn jáne quqyqqa qarsy is-áreketterin parlamenttik tergeý máselesin bastamaq ekenin málimdedi.
– FlyArystan otandyq "loýkosteriniń" is-áreketteri alaıaqtyqqa uqsaıdy. Jaqynda men Parlament Májilisi deńgeıinde otandyq "loýkosterdiń" bılet baǵasyn belgileý saıasatyn jáne osy avıatasymaldaýshynyń birqatar quqyqqa qarsy is-qımyldaryn parlamenttik tergeý máselesine bastamashy bolamyn. Biz materıaldardy barlyq kózderden jınaımyz! – dedi depýtat.
Depýtat Bazarbek óziniń jáne jubaıynyń Astanadan Almatyǵa ushý barysynda qatelesip, keri baǵytqa bılet alǵanyn aıtty. Bıletterdi qaıtarý nemese basqa baǵytqa aıyrbastaý múmkindigi bolmaǵandyqtan, kompanıa olarǵa kýpon-vaýcher de bermegen.
– Biz baǵyt boıynsha qatelesip, Astana-Almatynyń ornyna Almaty-Astana bıletin alyp qoıyppyz. Bıletti qaıtaryp, basqasyn satyp alýdy uıǵardyq. Eger obektıvti sebeptermen qaıtarý múmkin bolmasa (bul da zańsyz) avıakompanıa basqa áýe bıletin satyp alý úshin paıdalana alatyn kýpon-vaýcher beredi. Biz ekeýin de alǵan joqpyz. Bizge qaıtarýǵa tyıym salyndy, kýpon da berilmedi. FlyArystan is-áreketiniń zańdaryn parlamenttik komısıa (men ony qýana bastaımyn), sonymen qatar Parlament Májilisindegi tutynýshylardyń quqyqtaryn qorǵaý jónindegi jumys toby (onda biz avıatasymaldaýshylar men olıgarhattyń áýe salalaryndaǵy jaýapkershiligine qatań túzetýlerdi engizemiz) meniń dosym jáne áriptesim Murat Ábenov basqarady, - dedi depýtat.
Depýtat FlyArystan 69 000 teńgeni qaıtarýdyń ornyna 1600 teńge berýdi usynǵanyn jetkizdi.
FlyArystan Áýekompanıasy Májilis Depýtaty Baqytjan Bazarbektiń otandyq FlyArystan áýekompanıasynyń qyzmet kórsetý sapasy men baǵa saıasatyna qatysty qatty synyna qatysty túsinikteme berdi
Májilis depýtaty Baqytjan Bazarbektiń ótinishi boıynsha áýekompanıa ókilderi bılettiń kúshin joıý sharttaryn túsindirdi:
FlyArystan áýekompanıasy ishki baǵyttarǵa josparlanǵan ushý ýaqytynan 2 saǵat buryn jáne halyqaralyq baǵyttarǵa josparlanǵan ushý ýaqytynan keminde 3 saǵat buryn bılettiń kúshin joıý múmkin emestigin málimdedi. Reıske kelmegen nemese keshikken jaǵdaıda tek paıdalanylmaǵan áýejaı alymy ǵana qaıtarylady. Baqytjan Bazarbektiń qarajatty qaıtarý týraly ótinishi 2024 jylǵy 8 maýsymda saǵat 16:22-de, "Almaty-Astana" baǵytyndaǵy reıs ushyp shyqqannan keıin berilgen. Aıta keteıik, reıs is júzinde 2024 jylǵy 8 maýsymda saǵat 16:05-te ushqan bolatyn. Osy sebepti, avıakompanıa belgilengen erejelerge sáıkes vaýcher usyna almady.
FlyArystan áýekompanıasy reıske kelmegen kezde aıyppuldardyń bolýy álemniń barlyq derlik avıakompanıalarynda engizilgenin eske salady. Jolaýshylarǵa áýe bıletterin satyp alý kezinde tasymaldaý sharttarymen jáne tarıftermen tanysý, sondaı-aq reıstiń tańdalǵan baǵytynyń durystyǵyn muqıat tekserý óte mańyzdy ekenin atap ótti.
Bılettiń qunyn tólegennen keıin jolaýshy sharttyń talaptary men tasymaldaý erejelerimen tanysqanyn, kelisetinin jáne qabyldaǵanyn rastaıdy, - dep málimdedi FlyArystan áýekompanıasy,