Fransıada qazaq halqynyń ańyzdary sıfrlyq sýrettermen usynyldy
Parıjde almatylyq Janar Erlanqyzynyń alǵashqy jeke ekspozısıasy ashyldy. Sýretshi halqymyzdyń ańyzǵa aınalǵan tulǵalaryn ertegi álemindegi ılústrasıa stılinde kórsetken, dep habarlaıdy Almaty-akshamy.kz
Ol belgili tarıhshy jáne lıngvıs Serikbol Qondybaıdyń zertteýlerinen shabyttanatynyn atap ótti. Ár eńbeginde ótken tarıhymyz ben zamanaýı ómir saltymyzdy erekshe ushtastyra beınelegen. Jerlesimizdiń óneri fransýz jurtshylyǵynyń kóńilinen shyqty.
«Kelgen qonaqtarǵa kóbine mıfologıalyq bólim óte qatty unaǵan sıaqty. Óıtkeni bárimiz de sýretterge qarap qıaldaýdy jaqsy kóremiz. Kórgimiz kelgen nárseni baıqaımyz. Kórermenderge yńǵaıly bolý úshin ár kartınanyń mán-maǵynasy jazylǵan býkletter bar. Halyq qyzyǵa kelip, tanysyp jatyr», - deıdi kórme uıymdastyrýshysy Jánıa Elýbaeva.