2024 jyly Parıjdegi Olımpıada oıyndarynda Qazaqstannyń tarıhynda alǵash ret sporttyq gımnastıkadan júlde alǵan Qurbanovqa qazaqstandyq Allur avtomobıl kompanıasy jańa Skoda Kodiaq avtokóligin syıǵa tartty, dep habarlaıdy aqshamnews.kz.
Bul syılyq sportshynyń Qazaqstan sportyndaǵy jetistikteri úshin qurmet kórsetý maqsatynda berildi.
Narıman gımnastıkamen 6 jasynan bastap, belgili sportshy jáne jattyqtyrýshy ákesiniń jetekshiligimen aınalysqan. 2017 jyly ol at ústinde erekshe biregeı elementti oryndap, ol element resmı túrde onyń esimimen atalyp "The Kurbanov" dep tanyldy.
Avtokólik tabystaý rásiminde kompanıa ókilderi bul syılyqty Qurbanovtyń eldiń sporttyq jetistikterine qosqan úlesi úshin alǵys retinde berilgenin atap ótti.
"Narımannyń bolashaqtaǵy jetistikterin qoldaýǵa múmkindik alǵanymyzǵa maqtan tutamyz, bul kólik oǵan jańa bıikterge jetý jolynda senimdi serik bolady dep úmittenemiz," - dedi Allur kompanıasynyń ókili Stanıslav O-Ún-Bem.
Óz kezeginde, sportshy kompanıaǵa onyń jetistikterine kórsetken qoldaýy men nazar aýdarǵany úshin shynaıy alǵysyn bildirdi:
"Meniń jeńisimniń otandyq kompanıalar tarapynan osyndaı qoldaý tapqanyna qýanyshtymyn. Bul syılyq meni sporttyq arenada ári qaraı damýǵa jáne jańa jeńisterge jetýge yntalandyrady," - dedi Narıman Qurbanov.