Halyqaralyq áýe reısiniń mas jolaýshysy tártip buzǵany úshin 15 táýlikke qamaýǵa alyndy.
Almaty qalasy áýejaıyndaǵy jelilik polısıa bóliminiń qyzmetkerleri Almaty – Sochı baǵytyndaǵy áýe reısiniń 29 jastaǵy jolaýshysyn anyqtap, ustady, dep habarlaıdy aqshamnews.kz Polisia.kz-ke silteme jasap.
Áıel kisi áýe reısine otyrǵyzý kezinde mas kúıde bolyp, ózin dóreki ustap, áýekompanıa qyzmetkerlerine balaǵat sózder aıtyp, eskertýlerge qulaq aspaǵan. Ol sondaı-aq polısıa bólmesine jetkizý kezinde tártip saqshylarynyń zańdy talabyna baǵynbaǵan. Kólik polıseıleri quqyq buzýshyǵa qatysty qoǵamdyq oryndarǵa masań kúıinde kelgeni, usaq buzaqylyq jasaǵany, quqyq qorǵaý organy qyzmetkeriniń zańdy talabyna baǵynbaǵany úshin ákimshilik hattama toltyryp, materıaldy sotqa joldady.
Aıta ketý kerek, bul azamatsha buǵan deıin bir jyl ishinde alkogóldik ishimdikterdi ishkeni úshin ákimshilik jaýapkershilikke tartylǵan bolatyn. Sot sheshimimen quqyq buzýshy 15 táýlik merzimge ákimshilik qamaýǵa alyndy.