28 shildede (jeksenbi) sporttyń 8 túrinen 14 sportshy jarysqa shyǵady (badmınton, akademıalyq eskek esý, nysana kózdeý, dzúdo, semserlesý, tenıs, ústel tenısi, boks).
Bul týraly aqshamnews.kz Týrızm jáne sport mınıstrligine silteme jasaı otyryp, habarlaıdy.
Dzúdoda (Ǵ.Qyrǵyzbaev – 66 kg), semserlesýde (jekeleı syn) (V. Sharlaımov, R. Qurbanov, E. Álimjanov) medaldar oınalady.
Qalǵan 6 sport túri boıynsha irikteý kezeńi júredi.
Osylaısha, 28 shildede Qazaqstan quramasy sporttyń 2 túri boıynsha baq synap, 2 medal jıyntyǵyn sarapqa salady.
Dzúdo
Ǵ. Qyrǵyzbaev "S" tobynda. Birinshi jekpe-jekte, 1/16 fınalda, qarsylasy Devıd Garsıa Torne (Ispanıa, Eýropanyń kúmis júldegeri 2023), alty ret kezdesip, úsh ret Ǵusman jeńiske jetken.
Semserlesý
V. Sharlaımov 1/32 fınalda H.Sannermen (OAR), R. Qurbanov 1/16 fınalda H. Elkordpen (Marokko), E. Álimjanov L. Mıddltonmen (Fransıa) synǵa túsedi.
Badmınton
D. Panarın "D" tobynda K.Nıshımotomen (Japonıa) kezdesedi, K. Nıshımoto 2023 jylǵy Azıa oıyndarynyń qola júldegeri.
Nysana kózdeý
A. Altýhova men A.Le 10 m pnevmatıkalyq myltyq (áıelder), I. Sátbaev 10 m pnevmatıkalyq myltyq (erler) irikteý synyna qatysady.
Akademıalyq esý
V. Iakovlev 27 shildede irikteýde 5-shi orynǵa ıe boldy, endi jubanysh jarysynda óner kórsetedi, onda ol 1-2-shi orynǵa ıe bolýy kerek, bul oǵan jartylaı fınal men fınalǵa qatysýǵa múmkindik beredi.
Boks
Tuńǵysh ret 3 sportshy shyǵady: 1/8 fınalda birinshi bolyp A.Oralbaı O. Olaorege (Nıgerıa) qarsy shyǵady. Odan soń 1/16 fınalda A. Shymbergenov Z. Eashashpen (Iordanıa)judyryqtasady, Aslanbek osyǵan deıin Z.Eashashty eki ret jeńgen. Úshinshi, 1/16 fınalda N.Qyzaıbaı men G. Sorrentıno (Italıa) kezdesedi. Nazymnyń qarsylasy Eýropa chempıonatynyń kúmis júldegeri (2022), Eýropa oıyndarynyń qola júldegeri (2023).
Tenıs
A. Shevchenkonyń qarsylasy Ia. Mensık (Chehıa) –18 jasta, álemniń 81 raketkasy.