Jarys 30 sáýirge deıin jalǵasady
Qazaqstandyq Erǵalı Shameı paradzúdodan Azıa chempıony atandy. Almaty-akshamy.kz bul týraly elimizdiń paradzúdo federasıasyna silteme jasap habarlaıdy.
J1 (kózi múldem kórmeıtin sportshylar) sanatynyń fınalynda 73 kelige deıingi salmaqtaǵy E.Shameı ózbekstandyq Shohrýh Mamedovty jeńdi.
Al qola júldeni ırandyq Mahdı Borchloý men qyrǵyzstandyq Mamatıbraım Sýranov jeńip aldy.
Aıta keteıik, bul Astanada ótip jatqan Azıa chempıonatynda Qazaqstan qorjynyna túsken úshinshi medal. Buǵan deıin áıelder arasynda Daıana Fedosova (J2-57 kg) - «altyn», Aqmaral Naýatbek (J2-52 kg) «kúmis» alǵan bolatyn.
Paradzúdodan Azıa týrnıri Jaqsylyq Úshkempirov atyndaǵy jekpe-jek saraıynda ótip jatyr. Jarys 30 sáýirge deıin jalǵasady.