Ótken jyly respýblıkada 403,9 myń náreste dúnıege keldi
Elimizde sońǵy 20 jylda jańa týǵan sábı sany alǵash ret bir jylda 9,5%-ǵa tómendedi, dep jazady Almaty-akshamy.kz ranking.kz portalyna silteme jasap.
Resýrstyń jazýynsha, 2020-2021 jyldardaǵy pandemıa kezeńinde týý kórsetkishi joǵary bolǵan.
Byltyrǵy statısıkaǵa sáıkes, jańa týǵan náresteler sany boıynsha Túrkistan oblysy kósh bastady. Óńirde byltyr 58,2 myń náreste dúnıege keldi. Úzdik úshtik qatarynda Almaty qalasy men Almaty oblysy bar.
2023 jyldyń úsh aıynda respýblıkada 93,5 myń sábı ómirge kelgen.
"Bala týý kórsetkishi boıynsha Qazaqstan óńirlerin eki sanatqa bólýge bolady: joǵary kórsetkishter tirkeletin ońtústik pen batys, jańa týǵan náreste sany aıtarlyqtaı az soltústik, shyǵys jáne ortalyq óńirler. Respýblıkadaǵy bala týý kórsetkishiniń tómendeýi náreste býmynan keıingi keri ketýden bólek, birqatar áleýmettik jáne demografıalyq faktorǵa baılanysty. Birinshiden, byltyr elde nekege turý kórsetkishi 8%-dan astamǵa azaıdy. Ekinshiden, ýrbanızasıaǵa jáne eldegi áıelderdiń áleýmettik róliniń birtindep ózgerýine baılanysty olardyń birinshi nekege turý jasy artyp otyr", - delingen materıalda.
Oǵan sáıkes, eldegi eńbekke tartylǵan áıelderdiń ortasha jasy 2022 jyldyń sońyna qaraı 31,5 jasty quraǵan. Qalalyq jerlerde bul kórsetkish odan da joǵary boldy: 2022 jyly – 31,9 jas, dep jazdy inbusiness.kz.
"Úlken qalalarda áıelder odan birshama joǵary jasta bosanady: Astanada – 32,5 jasta, Almatyda – 32,3 jasta", - dep jazylǵan aqparatta.