Aq halatty abzal jandarǵa arnalǵan kórme osylaı atalady
Qazaqstannyń beıneleý óneri salasynda keıingi 40 jylda bolmaǵan ózgeshe kórme ashyldy. Dálirek aıtsaq, megapolıstegi Ábilhan Qasteev atyndaǵy QR Memlekettik óner mýzeıinde medısına qyzmetkerlerine arnalǵan «Ózgeniń jany úshin janym pıda» atty respýblıkalyq kórme shymyldyǵyn túrdi.
Eldik deńgeıdegi atalmysh kórmeni Almaty qalasy ákimdiginiń qoldaýymen «Iablonevaıa palıtra» kásibı sýretshiler qoǵamy uıymdastyrǵan. Ózgeshe kórmege Almaty, Astana, Qaraǵandy, Aqtóbe, Oral, Taraz, Shymkent óńiri men Almaty oblysynan qatysqan 40-tan astam sýretshiniń týyndylary qoıylǵan. Kórme ekspozısıasyna 50-ge jýyq keskindeme, grafıka, músin, qoldanbaly óner týyndylary usynylǵan.
Kórme medısına salasyndaǵy elge tanymal dárigerlerdiń beınesi men olardyń baǵa jetpes eńbegin, jalpy aq halatty abzal jandardyń negizgi qyzmetin kórsetý maqsatynda uıymdastyrylǵan. Qylqalam sheberleri týyndylarynda adam ómiri úshin kúrestegi jankeshti eńbekti, úmit, senim jáne qýanyshty beınelegen.
– Kórmeniń ereksheligi – elimizdiń ár óńirinen qatysqan sýretshilerdiń 2020 jyly álemde bolǵan «SOVID-19» pandemıasy kezinde, sondaı-aq medısınanyń árbir salasynyń mamandarynyń ómir men ólim arasyna arasha túsip, óz janyn pıda etken jáne aıanbaı taban tirese kúresken eńbekteri ártúrli janrda kórinis tabýy. Sýretshiler taqyrypqa baılanysty óz kreatıvti oı-tujyrymdaryn meılinshe aıqyndap, avtorlyq stıl men taqyryptyq, kompozısıalyq konseptýaldy sheshimderin realısik, abstraksıalyq, avangardtyq, mınımalızmdik, konseptýaldyq mánerdegi kórkemdik ıdeıalaryn keńinen tanyta bilgen, – deıdi Á.Qasteev atyndaǵy mýzeıdiń «Pedagogıka jáne jobalaý qyzmeti» bóliminiń basshysy ári kórme jetekshisi Gúlnar Jubanıazova.
Aq halatty abzal jandardyń jankeshti eńbegin qylqalam sheberleriniń kózimen kórgińiz kelse, «Ózgeniń jany úshin janym pıda» kórmesine kelińiz. Ekspozısıa tamyz aıynyń 7-ne deıin jalǵasady.