Almatyda júrgizilgen ortalyqsyzdandyrýdyń aıasynda Alataý aýdanynyń búdjeti 3,7 ese ulǵaıyp, shtat sany 20 adamǵa kóbeıdi. Mundaı eleýli qoldaý aýdan ákimine eń ózekti problemalardy sapaly ári jedel sheshýge múmkindik beredi, dep habarlaıdy Almaty-akshamy.kz.
Almaty Indýstrıalyq aımaǵyn damytý jáne bıznesti qoldaý úshin qabyldanǵan sharalardyń arqasynda jalpy aýdan ekonomıkasy oń dınamıkany kórsetip, qalanyń ekonomıkalyq kórsetkishteriniń jaqsarýyna eleýli úles qosýda. 2023 jyldyń İ toqsanynda ónerkásiptik óndiris kólemi 32,8%-ke, ınvestısıalar 73,2%-ke ósti.
Bıyldan bastap joldy aǵymdaǵy jóndeý jumystaryn aýdan ákimdikteri júrgizetin bolady. Alataý aýdanynyń barlyq shaǵynaýdandary boıynsha 60 kóshede 23 myń sharshy metr joldy jóndeý josparlanǵan. Bıyl jóndeý jumystaryn júrgizýge 250 mln. teńge bólindi. Jumystardy qarasha aıynda aıaqtaý kózdelip otyr.
Sonymen qatar Qalalyq mobıldilik basqarmasy mamyr aıynda 12 shaǵynaýdanda uzyndyǵy 60 shaqyrym bolatyn 79 kósheni qamtıtyn ortasha jóndeýdi júrgiziledi.