Ózbestannyń «My Freighter» (Centrum Air) loýkosteri Qazaqstanǵa áýe reısterin ashady. Bul jaıynda Azamattyq avıasıa komıtetinen málim etti, dep habarlaıdy almaty-akshamy.kz
«Indýstrıa jáne ınfraqurylymdyq damý mınıstrliginiń Azamattyq avıasıa komıteti halyqaralyq reıster sanyn arttyrý, sonymen qatar «ashyq aspan» rejımin júzege asyrý jumystary aıasynda Ózbekstannyń avıasıalyq bıligimen birge ózbekstandyq búdjeti tómen «My Freighter» (Centrum Air) áýe kompanıasynyń Qazaqstanǵa turaqty jolaýshylar reısin ashý máselesin pysyqtady», - delingen vedomstvo aqparatynda.
Komıtet málimetinshe, atalǵan kompanıa 5 maýsymnan bastap, A-320 áýe kemesimen Almaty-Tashkent baǵytynda aptasyna 3 reıs jıiligimen (dúısenbi, sársenbi, juma) turaqty tikeleı jolaýshylar reısin júzege asyrýdy bastaıdy.
Qazaqstan men Ózbekstan arasyndaǵy reıster sanynyń artýy eki eldiń arasyndaǵy saýda-ekonomıkalyq, týrısik, mádenı yntymaqtastyqty odan ary damytýǵa septigin tıgizedi. Sondaı-aq áýe bıletiniń qunyn tómendetýge múmkindik beredi.