Bul joly otandyq rejıserler 2 birdeı týyndyny qalyń kórermen nazaryna usynady.
Alǵashqysy shynaıy oqıǵa jelisine negizdelgen «Paralımpıadashy» fılmi. Ony jas ári talantty rejıser Aldıar Baıraqymov túsirgen, dep habarlaıdy Almaty-akshamy.kz 24.kz-ke silteme jasap.
Buǵan deıin kartına el ishinde kórsetilip, kópshiliktiń oń baǵasyn aldy. Dramaǵa toly shyǵarma 2018 jyly shańǵydan paralımpıada chempıony atanǵan Aleksandr Koládınniń ǵumyr jolyn baıan etedi. Múmkindigi shekteýli jandarǵa degen qoǵamdaǵy keı teris kózqaras sýretteledi.
Ekinshi fılm «Ot» dep atalady. Ony avtorlar aldaǵy kúnderi Qoqan qalasynda kórsetýdi josparlap otyr. Jalpy, Tashkent festıvaline álemniń túkpir-túkpirinen belgili kınogerler qatysyp jatyr. Sonyń ishinde qazaqstandyq qana emes, Gollıvýd, Reseı jáne túrik aktórleri de bar.
«1 apta boıy Qazaqstan, Reseı, Qyrǵyzstan, Túrikmenstan, Eýropa, AQSH jáne Japonıa fılmderi kórsetiledi. Usynylyp jatqan týyndylar kóp. Bul joly biz sharany konkýrstyq negizde uıymdastyrýdy jón kórmedik. Barlyǵyna teń dárejede qaraımyz. Degenmen jas rejıserlar arasynda shaǵyn báıge tigiledi», - deıdi «Ózbekfılm» kınokonserniniń dırektory Bahadúr Ádilov.