Respýblıkada saılaýshylardyń biryńǵaı elektrondy tizilimi qurylady
Ózbekstan Ortalyq saılaý komısıasy 10 mamyrda ótken otyrysynda kezekten tys prezıdenttik saılaý naýqany bastalǵanyn habarlady, dep habarlaıdy Almaty-akshamy.kz QazAqparatqa silteme jasap.
Ózbekstan Ortalyq saılaý komısıasynyń málimetinshe, saılaý okrýgterin qurý 15 mamyrǵa deıin, al saılaý ýchaskelerin qurý 25 mamyrǵa josparlanǵan.
Sonymen qatar, respýblıkada saılaýshylardyń biryńǵaı elektrondy tizilimi qurylady.
Saıası partıalar saılaý naýqany jarıalanǵannan keıin 3 kún ishinde ózderiniń ýákiletti ókilderin tirkeý úshin Ortalyq saılaý komısıasyna ótinish jasaýy tıis.
Saılaýǵa qatysý úshin partıalar 15 mamyrǵa deıin qujattaryn tapsyrýy qajet.
Prezıdenttikke kandıdattar 17 mamyr men 1 maýsym aralyǵynda usynylady. Kandıdattardy tirkeý qujattary 2 maýsymǵa deıin OSK-na tapsyrylýy tıis.
Tirkelý 6 maýsymda aıaqtalady.
Saılaý kodeksine sáıkes, saılaý naýqany bastalǵanǵa deıin tórt aıdan keshiktirmeı elde resmı tirkelgen saıası partıalar prezıdenttikke úmitker bolýǵa quqyly.
Qazirgi ýaqytta Ózbekstanda bes partıa tirkelgen: Ózbekstan halyqtyq demokratıalyq partıasy (HDPÝ), «Mıllıı tıklanısh» partıasy («Ulttyq jańǵyrý»), «Adolat» Sosıal-demokratıalyq partıasy («Ádilet»), Lıberaldy-demokratıalyq partıa (ÝzLıDeP) jáne ekologıalyq partıa.
Buǵan deıin habarlaǵanymyzdaı, Ózbekstan prezıdenti Shavkat Mırzıeev 2023 jyldyń 9 shildesine belgilengen memleket basshysynyń kezekten tys saılaýyn jarıalady.