Sońǵy kúnderi Qaraqalpaqstan astanasy Núkiste ereýilder boldy.
Ózbekstan Parlamenti Qaraqalpaqstannyń egemendik mártebesin ózgertý týraly bapty búkilhalyqtyq talqylaýdan alyp tastaý týraly sheshim qabyldady, dep habarlaıdy Almaty-akshamy.kz Inbusinnes.kz silteme jasap.
Bul túzetýler Núkistegi halyqtyń bas kóterýine ákelip soqqan edi.
Ózbekstan Respýblıkasynyń prezıdenti Shavkat Mırzıeev «Ózbekstan Respýblıkasynyń Konstıtýsıasyna ózgerister men tolyqtyrýlar engizý týraly» Konstıtýsıalyq zań jobasyn búkilhalyqtyq talqylaý barysynda Qaraqalpaqstan halqynyń usynystary men pikirleri týraly aıtqan sózinde Joǵarǵy Keńes depýtattarymen jáne Qaraqalpaqstan halqynyń ókilderimen kezdesý barysynda barlyq usynystardy eskerý qajettigin atap ótti. Iaǵnı Ózbekstan Respýblıkasy Konstıtýsıasynyń 70-shi, 71-shi, 72-shi, 74-shi jáne 75-baptary ózgerissiz qalady, al qoldanystaǵy normalar saqtalady.
Zań shyǵarýshy palata «Ózbekstan Respýblıkasynyń Konstıtýsıasyna ózgerister men tolyqtyrýlar engizý týraly» Konstıtýsıalyq zań jobasyn búkilhalyqtyq talqylaý merzimin 2022 jylǵy 15 shildege deıin uzartý týraly sheshim qabyldady.
Esterińizge sala keteıik, sońǵy kúnderi Qaraqalpaqstan astanasy Núkiste ereýilder boldy. Narazylyq sharasy kezinde naqty qansha adamnyń zardap shekkeni jarıalanbady. Qaraqalpaqstandy egemendiginen aıyrý týraly ózgeristiń Konstıtýsıaǵa engizilmek bolýy halyqtyń bas kóterýine ákelip soqty. Ózbekstan aýmaǵynda 2 tamyzǵa deıin tótenshe jaǵdaı engizildi. Qazaqstanmen aradaǵy shekara beketteri jabylyp, poıyz qatynasy toqtatyldy.