Bizdikiler tájirbıe bólispek
Ózbekstan Qazaqstannyń aýyl sharýashylyǵy salasyndaǵy tájirıbesine qyzyǵýshylyq tanytýda. Qazirdiń ózinde kórshi memlekettiń bıznesmenderi 6 qazaqstandyq jobaǵa qatysýda, dep habarlaıdy Qazaqtv.com caıtyna silteme jasap
Olardyń ishinde jylyjaıǵa arnalǵan ınovasıalyq shamdar, veterınarlyq probıotıkter bar. Navoı erkin ekonomıkalyq aımaǵy dıreksıasynyń basshysy Habıb Abdýllaevtyń aıtýynsha, Ózbekstandy sý men elektr energıasyn únemdeıtin jáne balama kózderdi paıdalanatyn tehnologıalar qyzyqtyrady.
Bul salada Qazaqstan áldeqaıda alda.
«Jergilikti fermerler óz sharýashylyqtarynda ondaı ádisterdi barlyq jerde qoldanyp keledi», - deıdi sarapshylar.
«Ózbekstan sońǵy birneshe jylda ǵana álemge tolyqtaı ashyldy. Buǵan deıin bizdiń ekonomıka jabyq bolatyn. Bul salada árıne, Qazaqstan birneshe qadam alda keledi. Óıtkeni Qazaqstanda lıberalızasıalaý, ınvestısıalyq ahýaldy jaqsartý úderisteri erte bastaldy. Sondyqtan biz de kóbine Qazaqstannyń josparymen júrip kelemiz jáne bul is bizdi odan ári tyǵyz baılanystyrady. Qazaqstandyq kompanıalar óz sheshimderin bizge eksporttaı alady. Al jersindirýge kelsek, bul – ekinshi deńgeıdegi suraq. Maǵan olar óte progresıvti jáne eń bastysy suranysqa ıe bolyp kórinedi», - dedi Navoı erkin ekonomıkalyq aımaǵy dıreksıasynyń bas dırektory Habıb Abdýllaev.