Ózbekstannyń mınıstrler kabıneti qaıta saılanǵan Olıı Majılıs aldynda ókilettigin toqtatty, dep habarlaıdy aqshamnews.kz.
El premer-mınıstri Abdýlla Arıpov tıisti qaýlyǵa qol qoıdy. Degenmen úkimet jumysynda úzilis bolmas úshin mınıstrler kabıneti jańasy jasaqtalǵanǵa deıin qyzmetterin atqarady. Esterińizde bolsa, 27 qazanda ótken parlament saılaýynyń nátıjesinde parlamenttiń jańa palatalary jasaqtalǵan.
Jańa parlament jasaqtalǵannan keıin bir aı ishinde prezıdent barlyq saıası partıa fraksıalarymen keńeskennen keıin premer-mınıstr kandıdatýrasyn zań shyǵarýshy palatalarǵa usynady.
Kandıdat mınıstrler kabınetiniń qysqa ári uzaqmerzimdi josparyn tanystyrady. Kandıdattyń premer-mınıstr bolyp taǵaıyndalýyna depýtattardyń jartysynan astamynyń daýysy kerek.