Ótken táýlikte Qazaqstan TJM kúshteri 177 oqys oqıǵa ornyna bardy.
Onyń 82-si órtter men janý oqıǵalary bolsa, 95-i izdestirý, avarıalyq-qutqarý jáne basqa da jumystar. Bul rette 357 adam, onyń ishinde 39 bala qutqarylyp evakýasıalandy, dep habarlaıdy Almaty-akshamy.kz cala mınıstrliginiń resmı aqparatyna silteme jasap.
Qaraǵandy oblysynyń avtojoldarynda TJD qutqarýshylary qar qursaýynda qalǵan avtokólikterden 20 adamdy, onyń ishinde 4 balany qutqardy. Sonymen qatar, TJM 52859 áskerı bóliminiń áskerı qyzmetshilerimen jáne polısıamen birlesip blokposttardyń jabyq pýnktterinen jaqyn mańdaǵy eldi mekender men jol boıyndaǵy kempıngterge 287 adam, onyń ishinde 29 bala evakýasıalandy.
Oblystyq mańyzy bar «Kýrchatov – Semeı» avtojolynda kólik qozǵalysynyń jabylýyna baılanysty Abaı oblysy TJD kúshteri 5 adam, onyń ishinde 1 bala ýaqytsha ornalastyrý pýnktine birge júrip bardy. Semeı qalasynda TJD qutqarýshylary Shúlbi sý qoımasynda avtokólikpen muz astyna túsip ketken 2 balyqshyny qutqardy. Qutqarylǵandar Semeı qalasyna jetkizildi.
Jetisý oblysynyń Alakól aýdanynda «Úsharal-Dostyq» avtojolynyń 130 km Jalańashkól ýchaskesinde TJD kúshimen qar qursaýynda qalǵan eki jeńil avtokólikten 3 adam qutqarylyp, Dostyq stansıasyna jetkizildi.
Aqmola oblysy Arshaly aýdany Túrgen aýylyna jaqyn jerde izdestirý-qutuarý jumystary júrgizildi. Eki er adam atpen mal izdep shyǵyp, joǵalyp ketken. İzdeý toby joǵalǵan adamdardy Túrgen aýylynan 15 km qashyqtyqta tapty
Ulytaý oblysynyń Jańaarqa aýdanynda TJD, jergilikti atqarýshy organdardyń, polısıa bóliminiń, jergilikti turǵyndardyń kúshimen 2 qańtarda «Bekshe» qystaǵynan Yntymaq aýylyna qaraı shyǵyp, joǵalyp ketken er adamdy izdeý júrgizildi. İzdeý toby joǵalǵan adamdy 3 qańtarda «Bekshe» qystaýynan 10 km qashyqtyqta tapty.
Sonymen qatar, Qaraǵandy jáne Aqmola oblystarynda «Almaty-Ekaterınbýrg», «Shýchınsk-Astana» avtojoldarynda avtokólikter soqtyǵysqan kezde 26 adam, onyń ishinde 1 bala qutqaryldy.
TJM azamattardy órt qaýipsizdik sharalaryn saqtap, daýyl týraly eskertýlerdi, aýa-raıynyń ózgerýin, joldardyń jabylýy týraly habarlamalardy baqylap, alys saparlarǵa shyqpaýǵa shaqyrady.
Sonymen qatar, qutqarýshylar aýyldyq jerlerde turatyn turǵyndarǵa aýa raıy nasharlaǵan jaǵdaıda alys qashyqtyqqa jaıaý júrýden bas tartýdy usynady.