2024 jyly Áleýmettik qyzmetter portaly arqyly múgedektigi bar adamdardyń 1,1 mln-nan astam tapsyrysy oryndaldy.
Onyń ishinde: ońaltýdyń tehnıkalyq quraldaryna shamamen 974,6 myń, ymdaý tili qyzmetterine 8,8 myń, jeke kómekshiniń qyzmetterine 27,1 myń, sanatorıılik-kýrorttyq emdeý qyzmetterine 99,9 myń tapsyrys, dep habarlaıdy aqshamnews.kz.
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedıalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Qazirgi ýaqytta Portalda 856 arnaýly áleýmettik qyzmet kórsetýshi (bólimsheler), 845 OTQ jetkizýshi, 31 myńnan astam jeke kómekshi, 763 ymdaý tili jáne 116 sanatorıılik-kýrorttyq emdeý qyzmetterin usynýshy tirkelgen.
Portaldy paıdalaný boıynsha konsýltasıalardy qoldaý baılanys ortalyǵynan, ıaǵnı 1414 biryńǵaı nómiri arqyly habarlasýǵa bolady.