Qazaqstanda 2024 jyldyń qorytyndysy boıynsha 3,4 mln.astam turǵyn stasıonarlyq em aldy, dep habarlaıdy aqshamnews.kz.
Densaýlyq saqtaý mınıstrligi baspasóz qyzmetiniń málimdeýinshe, bul ótken jylmen salystyrǵanda 87 myń jaǵdaıǵa kóp.
Memleket kepildik bergen kólemniń sheńberinde emdelgen naýqastardyń jalpy sanynan 1 mln.pasıent medısınalyq kómek aldy, MÁMS júıesinde 2,4 mln. jaǵdaı emdelip, 2023 jylmen salystyrǵanda 76 myń jaǵdaıǵa ósti.
Stasıonarlyq deńgeıde 928 myń operasıa júrgizildi, bul ótken jylǵy kórsetkishten 3,8%-ǵa nemese 35 myń jaǵdaıǵa asyp tústi.
Jyl basynan beri qazaqstandyqtar mindetti áleýmettik medısınalyq saqtandyrý (MÁMS) júıesiniń esebinen kórsetilgen kompúterlik tomografıa (KT) jáne magnıttik-rezonanstyq tomografıa (MRT) sıaqty 1 mln.astam qymbat zertteýlerden ótti.
Osy qyzmetter usynylǵan 500 myń pasıenttiń 45 myńy onkologıalyq aýrýlarǵa kúdik týyndaǵan jaǵdaıda zertteýden ótti.
MRT jáne KT – bul ártúrli aýrýlar men patologıalardy erte satysynda anyqtaýǵa, sondaı-aq aǵzalar men tinderdiń jaǵdaıyn baǵalaýǵa kómektesetin mańyzdy dıagnostıkalyq ádister.